Dosto aaplogon ne marketing ka naam to suna hoga aur ye kya hota hai ye bhi jante honge. Lekin kya aap jante hai ke digital marketing kya hota hai? Aaj is post me hum aapko batane wale hai digital marketing kya hai aur digital marketing me hum apna career kaise start kare.

Jaisa ke hum jante hai ke digital economy kitni tezi se badh raha hai. Aaj ke waqt me apne kisi bhi product ki marketing ke liye uska digital appearance kitna zaroori hai ye sab jante hai. Aaj har koi Internet se jura hai, isliye agar hum apne product ko internet pe available karate hai to hum apne product ko globally logo tak pahncha sakte hai.

Apne product ko Internet pe logon tak pahnchana hi Digital marketing kahlata hai.

Digital Marketing Kya Hai?

Digital marketing online marketing hai jiski help se hum apne product ko globally promote karte hai taki wo internet ke zarye logo tak pahunch sake.

Digital marketing me digital device aur internet ka use kiya jata hai. Digital marketing me search engines, social media, email, aur dusri websites ka use kar ke hum apne customers tak pahunchte hai.

Digital marketing un tamam efforts ka combination hai jo ek company digital media ka use kar ke apne potential customer tak pahunchne ke liye karti hai.

Digital marketing exciting, challenging and fast industries me se ek hai jahan aaj lakho log apna successful career bana rahe hai.

Har company chahti hai ke uski marketing strategy aise ho ke uski chizen zyada se zyada logon tak pahunch sake. Yahi reason hai ke aaj digital marketing marketing ka sab se accha zarya ban gya hai.

Digital media ke through marketing karne ke liye hame kuch strategies follow karne parte hai, jiske liye hame kuch khas skill ( SEO, social media management, content marketing, data and analytics, and PPC ) ki zaroorat hoti hai.

Digital Marketer Kya Karte hai?

Digital Marketers sabhi digital channel ke zarye se free ya paid traffic aur lead generate karne ke liye responsible hote hai.

Digital marketors un sabhi kaam ko perform karte hai jiski help se company ke product zyada se zyada logon tak digital media ke zarye se pahunch sake.

Jin strategies ka use kar ke Digital Marketers apne product ke awareness ko badhate hai wo hai Search engine optimization, social media optimization, content management, PPC etc.

Agar aap digital marketing me apna career banana chahte hai to aapko niche diye gaye skills ko apne andar develop karna hoga. Aap in skills ki help se digital marketing me ek successful career bana sakte hai.

Digital marketing me Career Banane Ke Liye Kin Skills ki zaroorat hai?

Agar aap Digital marketing me apna career banana chahte hai to is field me career banane ke liye aapko kuch skills ki zaroor hogi. Niche humne un skills ko detail me bataya hai jinki zaroorat aapko ek digital marketer banane ke liye hogi.

Search Engine Optimization (SEO)

Jaisa ke hum jante hai ke Google aur dusre search engine pe log information dhundhte rahte hai. Apni wesite ko optimize karna taki wo organically search engine me aa sake digital marketing ka fundamental aspect hai.

SEO me hum aisi strategies ka use karte hai jiski help se hamari website kisi bhi search engine me kisi khas keyword ke liye SERP (Serch engine result page) pe top me aa sake taki hamari wesite pe zyada se zyada traffic aa sake.

SEO me hum Google ke guideline ke according kuch khas Google ranking factors jaise on-page aur off-page optimization techniques ka use karte hai taki hamari website ko Google ya koi bhi search engine top position pe rank kar sake.

Social Media Management

Apne product ko Facebook, Twitter, Instagram, Pinterest, aur LinkedIn jaise social media platform ke zarye se promote karna social media marketing kahlata hai.

Is Practice ki help se hum apne brand ya content ka social media channels ke zarye logon tak pahunchate hai aur apne product ya content ke awareness ko increase karte hai, traffic badhate hai aur apne business ke liye leads bhi generate karte hai.

Social media management ke liye aapke andar followers ko attract karne ke sath hi unhe ek level pe engage rakhne ki skill honi chahye jo aapke followers ko fayda pahuncha sake.

Iske sath hi is baat ki in-depth understanding honi chahye ke kaun kab kis platform ka use kar raha hai joki aapko apne social media campaigns run karne me help karega. Research ke zarye aapko is baat ka bhi pata rakhna hoga ke log is waqt kis chiz me interested hai.

Social Media Management digital marketing ka ek fast rated aspect hai jiske liye aapko ek balanced management ke sath hi right direction me sochne ki ability ki zaroorat hoti hai.

Content Marketing

Content Marketing me hum apme brand awareness, traffic growth, lead generation ke purpose ke liye content ko create karte hai. Kuch channels jo content marketing strategy me aapko help kar sakte hai wo hai blog post, infographics etc.

Content marketing ke liye ek digital marketor ko apne wesite ke blog section me apne product se related blog likhne hote hai taki aapki website pe organic traffic aa sake. Aise visitors jo organic search se aapki website pe aate hai us se aapke rand awareness aur sell ke zyada chances hote hai.

Pay Per Click (PPC)

PPC website pe traffic draw karne ka ek aisa method hai jisme hum apne advertisement pe har baar click kiye jane pe publisher ko kuch payment karte hai.

Google adds unme se ek bahut hi common example jo hum kisi bhi cheez ko search karne pe google pe dekhte hai. Google apne search result page pe kuch adds ko display karta hai, agar koi us add pe click karta hai to us click ke liye Google ko company kuch pay karti hai.

Facebook paid adds, Twitter Ads campaigns, LinkedIn Sponsored Messages etc kuch options hai jaha pe ek digital marketor ko apne website pe traffic draw karne ke liye PPC ka use karna hota hai.

Agar aap bhi digital marketing me apna career start karna chahte hai to aap upar bataye gaye skill set ke sath digital marketing me apna career bana sakte hai.

2 COMMENTS

  1. Thanks for this article..and aapka blog bahot hi achha hai..mai daily visit krta hu aapke blog pe..aapka blog kispe bna hai..aur kon sa template aap istemaal krte hai..plz mujhe bhi kuch Blogging ke Regarding kuch information dijiye..kaise hm bhi apne blog ko grow kre..???

Comments are closed.