Kisi bhi specialized industry ki tarah hi Search engine optimization ke bhi unique set of terminology, definitions, aur abbreviations hote hai. Is SEO glossary me Essential SEO Terms diye gaye hai jo basic SEO terms hai jise aapko apne SEO career me janne ki zaroorat hai.

Essential SEO Terms

Search engine optimization ek bahut broad topic hai. Isliye is se pahle ke aap isme apna kaam start kare aapko kuch basic SEO terms ko janna bahut zaroori hai. To chalye jante hai seo terms for beginners jinhe aapko janna zaroori hai.

50 Essential SEO Terms

Algorithm

Algorithm ek complex computer program hai jiska use search engine data ko retrieve karne aur query ke result ko deliver karne ke liye karta hai. Search engines kayi ranking factors aur signals ka use kar ke ek result page ke zarye se rank kiye gaye web page ko deliver karne ke liye Algorithm ke combination ka use karta hai.

Algorithm Change

Kuch algorithm changes aise hote hai jinhe hum notice nahi kar pate hai. Lekin jo major algorithmic change hote hai unka impact bahut jaldi dikh jata hai. Algorithmic changes  teen form me aate hai:

  • Algorithm Update: Search engine existing algorithm ke kuch signals ko change karta hai.
  • Algorithm Refresh: Search engine pichli baar ki tarah exact same signals use kar ke ek existing algorithm ko phir se run karta hai.
  • New Algorithm: Search quality ko improve karne ke search engine new Algorithm ko add karta hai. Ex-Google Panda, Google Penguin.

Alt Attribute

Alt attribute ek aisa attribute hai jise HTML ke code ko image ke content ko search engines aur screen readers ko samajhne ke liye use kiya jata hai. Alt attribute image ka alternative information provide karta hai.

Alt attribute ko Alt Text bhi kahajata hai.

Analytics

Analytics ek science ki tarah mana jata hai jisme hum data ko collect, analyzing, aur interpret karte hai, taki hame pata chal sake ki humne jin actions ko perform kiya unme se kaun se action ne work kiya aur kaun se action ne work nahi kiya. Analytics ke ase pe hum apne fure action ko plan karte hai. Analytics hame apne actions ke bare me detail information provide karta hai ke hamari kaun se actions pe hamare audience ka kya response hua.

Also see: Google Analytics

Anchor Text

Anchor text aisa text hota hai jise hum kisi page ko link karne ke liye use karte hai. Ye clickable text hota hai jispe click kar ke hum ek page se dure page pe jate hai. Is text ka use logo aur search engine ko jis website ya web page se link kiya ja raha hau uska contextual information provide karna hai.

Example ke liye agar aap hamare Billi4you site pe apne visitors ko bhejna chah rahe hai to aap jo link create karenge uska anchor text Billi4you hoga.

Authority

Authority signals ka ek combination hai jiska use search engine webpages ya website ko assess karne ke liye karti hai jise ranking ke purpose ke liye use kiya jata hai.

Backlink

Backlinks simply link hote hai jiska use kar ke ek site se dusre site pe jaya jata hai. Ye do site ko ek dusre se link karte hai. Search engine jaise Google backlink ko ek ranking signal ki tarah use karta hai, kyuki aisa mana jata hai ke jub ek site dusre site ke sath link hoti hai to wo dusre site ke content ko trustworthy mante hai.

High-quality backlinks site ke ranking position aur search engine result visibility ko increase karne me help karta hai.

Bounce Rate

Bounce rate un visitors ka percentage hai jo aapki site pe visit karte hai aur aapki website ke dusre page pe visit kiye bina aapke website se chale jate hai. Kuch aise visitors bhi hote hai jo aapki site pe visit karne ke turant baad aapki site ko chor dete hai.

Bounce Rate SEO ka ek important factor hai. Aapki site ka bounce rate aapke site ke success ko measure karne ka ek behtareen tareeqa hai. Apni site pe ek accha bounce rate maintain karna mushkil hai par namumkin nahi.

Broken Link

Aisa link joki exist na karta ho aur error show karta ho broken link kahlata hai. Broken link web pe aisa link hota hai hai jo work nahi karta hai. Jub bhi broken link pe aap click karenge ek error message display hoga. Jub kabhi aap apne blog post ko kisi website se link karte hai aur baad me us website ke page ko remove kar diya jata hai to aapke post me broken link display hota hai.

Canonical URL

Canonical tag search engine ko ek specific URL ke bare me specify karta hai, jub multiple URLs ke same ya similar content hote hai. Canonical URL ka use duplicate content ke problem ko reduce karne ke liye kiya jata hai. Ye search engine ko batata hai ke aap Url ke kis version ko search result me apper karana chahte hai.

Click-Through Rate (CTR)

Click-Through Rate (CTR) wo rate hai jisse user organic search result pe click karte hai. Jub hi kisi keyword ke liye hamare pages search engine result me appera hoti hai, aur jitni baar use user click karte hai use hi Click-Through Rate kaha jata hai.

Click-Through Rate ko calculate karne ke liye hum total number of organic clicks ko total number of impressions se divide karte hai aur phir 100 se multiply karte hai.

Click-Through Rate (CTR): Total number of organic clicks/ Total number of impressions *100

Crawler

Crawler ek aisa program hai jise search engine web ko crawl karne ke liye use karta hai. Bots information collect karne ke liye webpages pe visit karta hai aur search engine’s index ko add ya update karta hai.

Crawler ko Bot, Spider, Web Crawler ke naam se bhi jana jata hai.

Crawling

Crawling ek process hai jisme internet pe maujood billions of pages ko crawler crawl karta hai taki wo unke information ko jaan sake aur unhe search engine index me add update aur organize kar sake.

Crawl Error

Crawl Error aise error hote hai jisme search engine bot URL ko crawl nahi kar pata hai aur aise error jo status code error return karta hai.

Crawl Budget

Kisi specific time period me kisi website pe total number of URLs jise search engines crawl karna chahta hai ya kar sakta hai crawl budget kahlata hai.

Disavow

Agar aapki link profile me spammy, artificial, or low-quality inbound links ke zyadatar number shamil hai to ye aapke ranking ko nuqsan pahncha sakte hai. Aur aap legitimate reason ke liye inhe remove nahi kar sakte hai, to aise condition me aap Google’s Disavow Tool kause kar ke Google ko un links ko ignor karne ke liye kah sakte hai.

Do-follow And No-follow

No follow link aisa link hota hai jise search engine bot follow nahi kar pata hai. Aise link ko sirf insan hi follow kar sakte hai. Google aise link ko consider nahi karta hai aur aise link ka weightage bahut kaam hota hai.

Dofollow link aisa link hota hai jo google aur dusre search engine ko follow karne ke liye allow karta hai. Dofollow se backlink kiye gaye link ko search engine bot aur insan dono follow karne me capable hote hai.

Search engine optimization me Do-follow And No-follow link ka ahut importance hai.

Competition

Competition Do tarah ke hote hai.

Direct Competitors: Similar products ya services wali companies jo similar need ko serve karti hai, aur similar audience online aur offline target karti hai.

SEO Competitors: Aise companies jo same keywords aur organic search visibility ke liye tayyar rahti hai, lekin ye ek jaise products or services ke sath different zaroorton aur audience ko target karti hai.

Conversion

Jub aapka koi user aapke website pe koi desired action complete karta hai to wo conversion kahlata hai. Conversion ke example me shamil hai:

  • Kisi hi purchase kpo complete karna.
  • Shopping cart me items ko add karna.
  • Premium content download karna.
  • Email newsletter ko subscribe karna.
  • Video views

Conversion Rate

Wo rate (jise percentage me express kiya jata hai) jis par website user kisi desired action ko complete karte hai. Conversion rate ko calculate karne ke liye total conversion ke number ko traffic se divide kar ke phir hundred se multiply kiya jata hai.

Conversion Rate Optimization (CRO)

Website pe hone wale conversion ke number ya quality ke process ko Conversion Rate Optimization (CRO) kaha jata hai. CRO ke common tactics me website design, copy, images, price, call-to-action, aur messaging ke liye testing changes shamil hai.

De-index

Jub Google kisi website ya webpage ko temporarily ya permanently search results, specifically apne search index se remove kar deta hai to ise hi deindex kaha jata hai.

Domain Authority

Domain Authority (DA) search engine ranking score hai jise Moz ne develop kiya hai jo predict karta hai ke search engine result pages me koi website kitne acchi rank la sakti hai. Domain Authority ek se 100 tak ka score provide karta hai, aapki site jitna zyada score karegi utna zyada chance hai ke aapki site search engine pe high rank kare.

Doorway Page

Doorways aise pages hote hai jise kisi specific search queries ke liye high rank karne ke liye create kiya jata hai. Ye pages un users ko redirect karne ke purpose se banaya jate hai jo us page pe kisi dusre site pe click kar ke aate hai.

Duplicate Content

Jub kisi webpage ke significant amount of content kisi dusre ya same website pe match karti hai to us content ko duplicate content kaha jata hai. Duplicate content ko search engine index nahi karta hai, isliye agar aapke content duplicate huye to wo search result me appear nahi honge.

Featured Snippet

Essential SEO Terms

Google search result me hume search karte time kabhi kabhi ek special block organic search results ke upar dikhta hai joki search results page pe top me hota hai. Ise hi featured snippet block kaha jata hai aur isme answer ki summary hoti hai jo webpage se liya gya hota hai aur usme page ka ek link hota hai, page title aur URL hota hai. Aap upar diye gaye image me dekh sakte hai ke ek featured snippet block kaisa dikhta hai.

Also known as: Position Zero.

Findability

Findability ka matlab hai ke Kisi website pe kisi content ko internally aur externally kitni aasani ke sath khoja ja sakta hai.

Footer Link

Links jo website ke bottom section me appear hote hai.

Google Analytics

Google Analytics ek free web analytics program jise audience behavior, traffic acquisition sources, content performance, aur bahut sare wewbsite analytics report ko track karne ke liye use kiya jata hai.

Visit: Google Analytics

Google RankBrain

Google RankBrain machine-learning Artificial intelligence system hai jise Google ke search query ke result ko sort karne ke liye use kiya jata hai. Is Algorithm ki help se hi Google apne user ke search query ka relevant result de pata hai.

Google Search Console

Google search console Google ka ek free tool hai jiske help se website owner apne site ke presence ko Google search results me monitor kar sakte hai.

Ye site ke search ranking, errors, security issues, aur indexing issues ko track karne aur updated rakhne me help karta hai.

Inbound Link

Inbound links wo links hote hai jo aapki site pe point karte hai. Matlab ke ye aapke website ki incoming links hoti hai. Inhi links ko search engine read kar ke aapki site ki authority ko increase karta hai aur search result me aapke site ko rank karta hai.

On-page And Off-Page SEO

On-page SEO ek aisa technique hai jiski help se hum apne blog ko likhte waqt kuch khas baato ka dhayan rakhte hai. On-page optimization ye kuch element hai jise article likhte waqt focus kar ke apne blog ko search engine me high rank kara sakte hai:-

  1. Keywords
  2. Descriptions
  3. Title Tags
  4. H1 Tags
  5. Keyword Density
  6. Keyword Placement

Off-page SEO me hame apne site ke liye inbound link create karna hota hai taki dusri site ko apni site se link karsake. Backlink karte waqt is baat ka dhyan dena hai kr aapk jis bhi site pe apna backlink bana rahe hai uska high rank pe hona aur aapki site ke nibhe ka hona zaroori hai.

Also Read: On-Page and Off-Page Optimization

Hidden Text

Aisa koi bhi text jise user nahi dekh sakta, aur jinka maqsad content-rich keywords aur copy ke sath webpage ko load kar ke search ranking ko manipulate karna hai.

Ye technique Google Webmaster Guidelines ke against hai aur aisa karne pe aapke site ke sath manual action bhi liya ja sakta hai. For example aise text:

  • Jinhe parha na ja sake.
  • Text ka color background ke color jaisa.
  • CSS ke use se text ko off screen push karna.

Homepage

Kisi bhi website ka default, ya introductory webpage.

Indexability

Koi bhi search engine bot kitni aasani ke sath kisi bhi webpage ko samajh sakta hai aur use apne index me add kar sakta hai.

Indexed Page

Aise webpages jinhe search engine crawler discover kar ke apne search engine index me add kar leta hai jo kisi relevant search query ke liye search result me appear ho sakta hai.

IP Address

IP address ka full form hai internet protocol address ye ek identification number hai ek piece of network hardware ka. IP address kisi bhi device ko communicate karne me help karta hai. IP address se kisi bhi device ko network me identify kiya ja sakta hai.

Keyword Density

Kisi bhi webpage ke content me koi word ya phrase kitni baar appear hota hai.Halaki ab search ranking ke liye ye concept poorani ho chuki hai, ab aisa koi bhi ideal percentage nahi hai jo webpage rank ko behtar banane me help kar sakte.

Keyword Research

Keyword Research relevant topics, subjects, aur terms search karne ka ek process hai jise searchers search engine me apne relevant topic ko serach karne ke liye use karte hai. Keyword Research ke liye bahut se free aur paid tool market me available hai jinka use aap kar sakte hai.

Keyword Stuffing

Search ranking ko increase karne ke liye webpage pe irrelevant keywords ko add karna, aur keywords unnatural way me repeat karna Keyword Stuffing kahlata hai. Ye spam technique Google Webmaster Guidelines ke agains hai aur aisa karne pe manual action bhi liya ja sakta hai.

Link Building

Ek aisa process jisme organic search rank aur visibility ko increase karne ke liye trusted aur relevant websites se link karna link building kahlata hai. Link building is tarah kiya ja sakta hai:

  • High-quality or sensational content publish kar ke aap naturally editorial link ko attract kar sakte hai.
  • Sponsored content ki help se aap link obtain kar sakte hai.
  • Apni site ko directories me add kar ke aur site review de kar aap link build kar sakte hai.

Long-Tail Keyword

  • Highly specific multiple-word terms jo higher purchase ke liye use kiye jate hai.
  • Less popular keywords jinke low search volume hote hai aur jinhe usually rank karna aasan hota hai.

Machine Learning

Artificial Intelligence ka ek subset hai jisme ek system human intervention ke bina ek complex process ko seekhne aur adjust karne ke liye data ka use karta hai.

Manual Action

Penalty ke ye Google ka term hai. Google ke kisi bhi website pe manual action lene se pahle human reviewer ye confirm karta hai ke kya ye Google’s Webmaster guidelines ko follow karne me fail raha hai ke nahi. Penalized websites ko ya to demote kar diya jata hai ya phir entirely search results se use remove kar diya jata hai.

Manual actions kisi specific webpage ya entire website pe ho sakta hai.

Meta Description

Ek aisa tag jo HTML document ke head section me add kiya jata hai, jo webpage content ke description ke roop me hota hai meta description kahlata hai. Meta description search result me page ke description ke roop me show hota hai. Ek accurate aur engaging descriptions ke sath apne meta description ko optimize karke hum aapne webpage ke organic click-through rate ko increase kar sakta hai.

Meta Keywords

Meta Keywords ek specific type kemeta tag hote hai jo webpage ke HTML code me appear hote hai, jo search engine aapke page ke topic ko samajhne me help karta hai.

Meta Tags

Aise information jo webpage ke HTML ke source code me appear hote hai taki wo page ke content ko search engine kpo describe kar sake. Title tag aur meta description most commonly used type ke meta tags hai jinhe SEO me use kiya jata hai.

Nofollow Attribute

Ye meta tag search engine ko kisi specific outbound link ko follow nahi karne ke liye use kiya jata hai. Is tag ka use tab kiya jata hai jub ek website dusre website ko authority pass nahi karna chahta hai. Nofollow attribute is tarah ka dikhta hai.

<a href=”http://www.example.com/” rel=”nofollow”>Anchor text goes here</a>

Noindex Tag

Niindex tag ek aisa meta tag hai jo search engine ko kisi specific webpage ko intex nahi karne ke bare me batata hai.

Ye the kuch Essential SEO Terms jiske bare me aapko pata hona chahye.

Ummid hai aapko ye SEO glossary ki article (Essential SEO Terms) informative laga hoga. Agar aapka koi swaaal hai to aap humse comment section me pooch sakte hain. Apke liye ye ( SEO in Hindi ) course design kiya gya hai, Is Website pe apko WordPress aur SEO Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

1 COMMENT

LEAVE A REPLY

Please enter your comment!
Please enter your name here