Agar aap apne targeted audience tak pahunchne ke liye ad pe kuch kharch karne ka soch rahe hai to aapko ise sahi jagah pe kharch karna chahye….jaise ke Google Ads. Is article me hum baat karenge Google Ads ki ke Google Ads kya hai aur ye kaise kaam karta hai.

Google Ads Kya hai

Google Ads dunya ke sabse popular website Google.com ke banne ke 2 saal baad launch kiya gya tha. Google Adwords, ke roop me advertising platform october 2000 me aaya tha, lekin 2018 me kuch rebranding ke baad iska naam badal kar Google ads rakh diya gya.

To chalye jante hai ke Google Ads kya hai aur hame Google pe ad ko start karne ke liye kin chizon ko janne ki zaroorat hogi.

Yahan pe hum un specific features ko cover karenge jo aapko best result dene ke liye aapke campaigns ko optimize karne me helpful hoga.

Google Ads Kya Hai?

Is baat me koi shak nahi hai ke in dino jitna stronger aur focused aapka paid campaigns hoga utna hi zyada wo click generate karega joki new customers ko gain karne ki probability ko aur zyada increase karega.

Yahi wajah hai ke Google Ads business ke liye har industry ke logo ke liye bahut tezi se popular hota ja raha hai.

Google Ads ek paid advertising platform hai jo pay-per-click (PPC) marketing channel ke andar aata hai, jaha aap (advertiser) ek ad ke per click ya per impression (CPM) pe payment karte hai.

Google Ads aapke business ke liye qualified traffic ko drive karne ka ek effective way hai. Google Ads, ki help se aap apne website traffic ko boost kar sakte hai, zyada se zyada phone calls receive kar sakte hai, aur apne store visit ko increase kar sakte hai.

Google Ads aapko aapke target audience ke beech well-timed ads (mobile aur desktop dono se) create aur share karne ke liye allow karta hai.

Iska matlab ye hai ke aapka business search engine results page (SERP) me us moment show hoga jub aapke ideal customers Google Search or Google Maps ke zarye aapke jaise products aur services ko search kar rahe honge.

Is tarah se aap apne targated audience tak pahunch sakte hai jub wo aise product ya services ke find kar rahe hote hai jise aap serve karte hai.

Google Pe Advertise Kyu Kare?

Google sab se zyada use kiye jane wala search engine hai jo 3.5 billion search queries daily receive karta hai.

Google ke according Google ads pe advertise karne wale advertiser har $1 kharch karne pe $8 earn karte hai. Agar aap apne product aur services ke liye PPC ka use karte hai to Google ads aapke advertising ka hissa hona chahye, kyuki iske alawa aapke pass option nahi hai facebook ko chor ke.

Hazaro companies apne business ko promote karne ke liye Google Ads ka use karte hai, jiska matla hai ke bhale hi aap search term me acche position pe rank kar rahe ho lekin in Ads ki wajah se aapko aapke competitors ke niche page pe show kiya jayega. Kyulki hame pata hai ke kisi bhi keyword ke liye Google top me Ads ko show karta hai, aise me agar aap Google Ads ka use nahi karte hai to aapko apne targated audience tak pahunchna mushkil ho sakta hai.

Also Read: SEM Aur Paid Search Marketing Kya Hai?

Important Google Ads Terms

Ye common terms aapko aapke Google Ads ko set up, manage, aur optimize karne me help karenge. Inme se kuch Google Ads ke liye specific hai, jubki dure generally PPC se related hai. Aapko ekeffective ad campaign run karne ke liye in terms ko janna zaroori hai.

AdRank

Aapka AdRank ad placement ko determine karta hai. Jitna high value hoga utna etter aap rank karenge, utne zyada log aapke ad ko dekhenge, aur utni zyada probaility hogi ke log aapke lnk pe click karenge.

Aapka AdRank aapke maximum bid ko Quality Score se multiply kar ke determine kiya jata hai.

Bidding

Google Ads bidding system pe based hai, jaha pe aap ek advertiser ke taur pe maximum bid amount jise aap ad pe click karne pe pay karna chahte hai use select karte hai. Jitni higher aapki boli hogi, utna accha aapka placement hoga. Boli lagane ke liye aapke pass teen option honge: CPC, CPM, or CPE.

  • CPC, or cost-per-click, ye wo amount hai jise aap apne ad pe kiye gaye har single click pe pay karte hai.
  • CPM, or cost per mille, ye wo amount hai jise aap one thousand ad impressions ke liye pay karte hai, matlab ke jub aapka aapka ad thousand people ko dikhta hai.
  • CPE, or cost per engagement, ye wo amount hai jise aap tab pay karte hai jub koi predetermined action aapke ad pe leta hai.

Campaign Type

Google Ads pe paid campaign start karne se pahle, aapko in three campaign types me se kisi ek ko select karna hoga: search, display, or video

  • Search ads text ads hote hai jo Google results page search result me display kiye jate hai.
  • Display ads typically image-based hote hai aur web pages Google Display Network me show kiye jate hai.
  • Video ads 6 se 15 seconds ke beech ke hote hai YouTube pe appear hote hai.

Click-Through Rate (CTR)

CTR aapke ads pe aane wale views ke number hai. CTR ka matlab hai ke advertisement ko dekhe gaye total logon me se kitne logon ne us ad par click kiya hai. Iske help se ad ki efficiency ko measure kiya jata hai.

Conversion Rate (CVR)

CVR jise Conversion Rate bhi kaha jata hai, ye ek relationship hai jo aapko batata hai ke kitne log kisis ad pe karte hai aur apne desired action ko perform karte hai.

Ise calculate karne ke liye total number of conversions ko total number of views/clicks se divide kiya jata hai.

Display Network

Google ads ya to search results page Google’s Display Network (GDN) me ek web page ke andar display kiye ja sakte hai.

GDN ek website ka network hai jo Google Ads ke liye apne webpages pe space allow karta hai- ye ads text-based ya image ads jho sakte hai aur aapke target keywords ke liye relevant content ke sath display hote hai. Google Shopping anur app campaigns most popular Display Ad options hai.

Extensions

Ad Extensions ke sath aap bina kisi additional cost ke additional information ke aap apne ad ko supplement kar sakte hai. Ye extensions 5 me se kisi ek categories me aate hai: Sitelink, Call, Location, Offer, or App

Keywords

Jub ek Google user ek search query ko Google search field me type karta hai, to google kuch search result ko display karta haijo user ke search ke maqsad ko poora karta hai. Yahi words jise user search field me type kar ke apne desired jizon ko dhundhta hai keyword kahlata hai.

Keywords words ya phrases hote hai jinki help se user search engine pe kuch bhi search karta hai. Ads ke liye aapko aise keywords ko select karna hota hai jiske liye aap chahte hai ke aapke ads display ho.

Example ke liye jaise aap ek SEO ke liye online class provide karte hai, to aap chahenge ke ju user “online SEO class” search kare to aapka ad search result me display ho. To yaha pe “online SEO class” keyword hai jise aapko apne campaign keliye choose karna hoga.

PPC

Pay-per-click, or PPC ek aisa advertisement hai jisme advertiser apne har ad pe click ke liye pay karta hai. PPC Google ads ke liye hi specific nahi hai, bulki ye most common type ka ad campaign hai.

Apna first apke Google ads campaign start karne se pahle aapko PPc ke sabhi acchayi aur burayi ke importantce ko samajh lena chahye.

Quality Score (QS)

Quality Score aapke click-through rate (CTR) ke zarye se apke ads ke quality ko measure karta hai jisme aapke keyword ka relevance, landing page ki quality, aur SERP me aapke past performance shamil hai.

QS aapke AdRank ke liye ek important factor hai.

Google Ads Kaise Kaam Karta Hai?

Google Ads aapke ads ko un customers ko display karta hai jo aapke product aur services ko me interested hote hai.

Advertisers search terms ya keyword pe boli lagate hai, aur is boli me jo jitta hai use uske select kiye gaye ad campaign ke type pe jaise YouTube videos ya kisi relevant websites pe search results pages ke top me rakha jata hai.

Aapke effective aur high-performing Google Ads create karne ke ability ko bahut se important factors impact karte hai:

AdRank Aur Quality Score

AdRank aapke ads ke placement ko determines karta hai aur Quality Score un do factors (bid amount) me se ek hai jo aapke Adrank ko determines karta hia.

Ad Campaign Types: Search, Display, and Video

Aap Google ads pe 3 type ke campaign me se kisi ek ko select kar sakte hai: search, display, or video.

  • Search Ads: Search ads text ads hote hai jise Google results pages pe display kiya jata hai. Example ke liye “online SEO classes” ke liye kiya gaya search is tarah ke sponsored results, or ads display karta hai.
  • Display Ads: Ye typically image ads hote hai jo website pe aaye huye user ke attention ko draw karte hai. Example ke liye aap niche diye gaye image ko dekh sakte hai.
Google Ads Kya hai

Video Ads

Video ads YouTube videos ke pahle, badme ya middle me chalaye jane wale ads hote hai. Youtue ek search engine hai aur isliye aapke choose kiye gaye right keyword aapko front me display kar sakta hai.

Location

Jub aap Google Ads setup karte hai to aapko geographical location ko select karna hota hai ke aapkis jagah pe apne ad ko display karna chahte hai. Aapka selected location aapke placement me important role play karta hai.

Keywords

Aapka select kiya gya keyword ye aapke placement me important role play karta hai. Aapko aise keyword ko select karna hai ho searchers ke intent ko match karta ho. Kyuki agar aapka keyword searchers ke intent se match nahi karega to aapka ad searchers result page pe display nahi hoga.

In factors ke alawa bhi kuch important factors hai jaise Headline and Description, Ad Extensions, Match Types jo hamare ad ke high performance ke liye zaroori hai.

Ummid hai aapko ye article (Google Ads kya hai aur ye kaise kaam karta hai) informative lagi hogi. Agar aapka koi swaaal hai to aap humse comment section me pooch sakte hain. Apke liye ye ( SEO in Hindi ) course design kiya gya hai, Is Website pe apko WordPress aur SEO Complete Course Hindi me mil jyega, Agr aap WordPress se related videos dekhna chahte hain to aap hmare WP Seekho YouTube Channel par bhi visit kar sakte hain.

1 COMMENT

LEAVE A REPLY

Please enter your comment!
Please enter your name here