WordPress me Widgets add aur use kaise kare

Kya aap apne WordPress website pe khud ka Widget create karna chahte hai. Agar aap ek beginner hai aur apne website pe widgets add karna chahte hai to Aaj is post me hum aapko batayenge how to add widgets in wordpress.

Widgets ki help se hum apne WordPress blog me different position pe kuch functions aur feature ko add kar pate hai. Widgets me hum jin functions ko add karte hai wo subscriber boxes, popular Posts, advertisement units ho sakte hai. Widgets ko hum Sidebars, footers kisi bhi position pe add kar sakte hai. Widgets kaise create kare ye janne se pahle hum ye jan lete hai ke Widget hota kya hai.

Widgets kya hai?

Widgets ko hum WordPress blog pe kisi particular function ko kisi particular position pe define karne ke liye use karte hai.

By default WordPress standard widget ke set ke sath aata hai jise hum kisi bhi WordPress theme ke sath use kar sakte hai.

Widgets ka shape aur size uske functionality pe depend karta hai. Iska koi particular shape ya size nahi hota hai. Aapne bahut saare website pe “Popular Posts”, “Last Updated Posts”, “Facebook, Twitter Like Boxes”, “Subscribe Boxes”, “Galleries” waghairah dekha hoga ye sab widgets hote hai.

How to add widgets in WordPress

WordPress me aap apna khud ka Widget create kar sakte hai. Bahut saare theme aur plugin apne khud ke custom widgets ke sath aate hai jise aap sidebar me aad kar sakte hai. Widgets ko aap apne site ke kin kin area me use kar sakte hai ye aapke theme pe depend karta hai. To aaeye dehte hai how to add widgets in wordpress in simple and easy step.

Upar diye gaye screenshot me left side me aap available widgets ka column dekh rahe honge, aapko bata den ke aap apne website pe sirf unhi widgets ko add kar sakte hai jo aapke available widgets ke section me available hoga.

Right side me aapko kuch location di gayi (Newspaper default, footer 1, footer 2, footer 3) hoti hai jahan pe aap apne widgets ko add kar sakte hai.

Widgets add karne ke liye aap jis bhi widget ko add karna chahte hai use available widgets se drag kar ke us position pe le jaye jahan pe aap use place karna chahte hai.

Example ke liye jaise maine WP Forms widget ko available widgets se drag kar ke primary me drop kar diya hai.

Ab aap apne website pe ja kar iske action ko dekh sakte hai.

Drag and drop method ke alawa aap Widget add karne ke liye Accessibility mode ka bhi use kar sakte hai. Accessibility mode ka use karne ke liye aapko widgets me upar screen option me ja Enable Accessibility Mode par click karna hoga.

Is method me aap simply Add ke option pe click kar ke widget ko different position pe add kar sakte hai.

Iske alawa aap available Widget me jise add karna chahte hai use drag karne ke bajay click kar ke aane wale location ke option me se kisi ko bhi select kar sakte hai.

Location select kar lene ke baad Add widget ke option pe click kar ke aap widget ko add kar sakte hai.

Agar aap zyada functionality wale widget ko add karna chahte hai to iske liye aapko Plugins ko add karna hoga.

Umeed hai ke ye article How to add widgets in WordPress aapke liye helpful hoga. Aap hamre article WordPress 404 Error ko kaise fix kare ko bhi parh sakte hai.